јан 26 2010
Мојот текст е само мој – реакција на соопштението од претставниците на медиумите
Откако постои македонската блогосфера, многупати сме биле сведоци како мејнстрим медиумите или веб порталите краделе содржини (понекогаш и оригинални) од блогерите. Секако имало и обратни ситуации, но се поретки. Која е причината што денеска беше објавено соопштение кое е потпишано од неколку македонски медиуми кои имаат раличен начин на публикување на своите информации? И што е тоа кое толку многу ги допре медиумите, за да се дрзнат посебно кон интернет заедницата да се обратат на таков начин со “закана”?
На средбата одржана на 24.12.2009, присутните претставници од долупотпишаните медиуми ја утврдија штетата која произлегува од неавторизираното и неконтролираното преземање на информации од овие медиуми во целост или делумно од дел на веб порталите и радио станиците во Република Македонија, со што директно се крши законот за авторски права, но и се нанесува реална штета со намалување на бројот на посети на порталите на медиумите кои ги продуцирале овие вести (информации). Од средбата произлегоа следниве заклучоци:
1.Заради заштита на нашите интереси и почитување на законот, Ве повикуваме како сопственик или одговорно лице на вашиот портал, најдоцна до 01.02.2010 на своите портали, преземените вести да ги објавувате само со наслов (поднаслов), директен линк (URL) до изворната вест, и тоа само оние вести и други информации кои соодветниот медиум би ги публикувал во наменски RSS (Really Simple Syndication) формат и во количина (наслов, датум, линк, фотографија итн.) која е публикувана со истиот RSS формат.
***
3. Ве повикуваме до горенаведениот датум да постигнете договор со сите медиуми од кои ги преземате вестите и другите информации кои потпаѓаат под Законот за заштита на авторски права.
Ова јавно писмо, заеднички потпишано од неколку мејнстрим медиуми и веб портали се дрзнува да ги опомене луѓето кои работат со интернет за заштита на авторски права, кои некои од долупотпишаните ниту самите не ги почитуваат.
Еве само мала архива на интернет злосторствата направени од страна на медиумите кон блогерите:
- Блог “Тепај Време“: Вечер ги украде парите!
- Волан: Вечер ем здиплил напис од блогер – ем ке заслужи пријава за клевета и тоа во изборна кампања …
- Археоблог: Како весникот Дневник “позајмува” од мојот блог – Каде е гробот на Богородица
- IT.com.mk: Авторскиот труд не е бесплатен!
* * *
Мeдиумите имаа шанса да дебатираат со блогерите и со луѓето кои создаваат креативни и оригинални содржини на интернет, во рамките на конференцијата Е-општество која на почетокот од декември се одржа во Холидеј ин. Поточно, вториот ден од конференцијата беше замислен како округла маса за споделување на идеи и размисли на која беа поканети претставници од повеќе, пред се мејнстрим медиумите. И никој од нив не се појави.
Текстот на порталот It.com.mk се надоврза само како реакција на ова писмо и коментарите на твитер заедницата. Но да го поставиме етичкото прашање и во обратен правец. Колку од медиумите потпишани во ова соопштение ја почитуваат заштита на интелектуални и авторски права, кога ниту самите не ги цитираат странските извори од нивните колеги? А што станува тогаш со блогерите и лиценците на Криејтив Комонс? Дали и нив ќе ги испочитуваат како што сакаат да бидат и самите почитувани? Една стара поговорка вели: Не му прави на другиот нешто, што не би сакал да ти биде и на тебе направено.
Своевремено дадов една изјава за весникот Шпиц во однос на правната регулатива “Некои права задржани“ на Криејтив Комонс која најчесто ја користат блогерите, наспроти аксиомата на медиумите “Сите права задржани“. Поентата на моите бесплатни текстови за археологијата и културното наследство сите овие години откако сум присутна на интернет е споделување на знаењето и стигнување до научни содржини преку создавање извори со отворен пристап до корисниците, со едноставно цитирање (линкање) на изворот.
После долго патешествие, македонските медиуми имаат шанса повторно да седнат на иста маса со луѓето кои создават нови и креативни содржини и ги користат Новите медиуми како алатка.
* * *
Немојте никогаш да заборавите дека:
За некои генерации, Новите медиуми се единствениот извор на инфомации.
* * *
Arwena
Кој кого треба да тужи?
А што беше постаро,кокошката или јајцето?
Јајцето.
Да бидеме поконкретни со медиумите:
“Со свој камен по своја глава!”
[...] постои македонската блогосфера, многупати сме биле сведоци како мејнстрим медиумите [...]
Не знам во што е проблемот?
Тоа што е произведено и платено треба да се плати, не може да се краде и точка.
Тоа што некој произведува и го пласира без пари е негов избор.
Ако бил краден од медиумите нека превитка табак и на суд…
Ако луѓето сметаат дека треба да купуваат информации тие
ќе ги купаваат или некој друг ќе ги купи за нив (со реклама).
знаеме Роберто дека ти си им ја смислил глупоста, затоа уживај Ч)
Ке се навратам на постот поручек и ке дадам допринос со уште неколку мои линкови на темава. Сега брзам за во болница.
Роберто,
знам дека тука алудираш на случајот кога сакав да го тужам весникот Дневник. Додуше стигнав до опомена пред тужба и тука запрев оти ќе потрошам многу енергија на случајот, кој секако во било кое време ако го покренам, ќе го добијам на суд.
Нејсе, се случи подобро отколку што очекував, а тоа е дека весници како Дневник или портали како Нетпрес и Кајгана кој воопшто немаат линкови ниту наведуваат извори, тоа го бараат од другите. Може ли медиум сам себе да се тужи за кривично дело ако го прекрши?
Прашањето за слободно споделување на интернет уште многу долго ќе се дискутира. Факт е дека кога една едно дело е ставено на нет, тешко е да се спречи неговото плагирање. Но барем може до толку почитување кон авторот (сеедно дали се работи за фотографија, текст ..) и да се спомене неговиот труд.
Но две работи се сигурни во претстојниот период:
- македонските медиуми мора да ги почитуваат правилата на Новите медиуми ако сакаат да опстанат.
- прашање на време е кога истите тие медиуми ќе почнат да лобираат некои од тематските блогери да пишуваат за нив.
Поздрав
Последното ќе се случи многу побрзо отколку што си мислиш…
@ Volan
слободно надополни ако имаш уште некој линк, ќе го апдејтувам постот.
Ова беа првичните информации кои ми текнаа во моментот кога го пишував постот, а се околу позајмувањето на содржини од блоговите. Има уште две работи кои не ги пронајдов: скандалот со блогерот Психолог кој ја раскажа ситуацијата на својот блог како го уапсиле во автобус, а извесна Даниела Трајковкса следниот ден го објави во весникот Вечер како статија која демек му се случила на анонимен граѓанин. Кај мене на сајтот е реплика од тој пост, како жестока реакција на која одговори целата македонска блогосфера. Но, за жал психологот го има избришано својот блог на блогспот и не можам да го линкам изворот.
Исто така си спомнувам дека и ти имаше пишувано како некои сајтови позајмуваат фотографии од тебе, без да те наведат како автор.
[...] [...]
[...] [...]