фев 10 2010
Ем споменик на културата, ем црква?!
Не сум задоволна од објаснувањата кои ги добив до сега, но токму поради тоа го пишувам овој пост. За да пробам да го најдам одговорот на едно прашање кое долго време ме мачи. А тоа е: Дали треба да се наплаќа влезница во еден свет храм (кај нас на пример црква) кој е прогласен за споменик на културата, а притоа тој истовремено да е жив? Поточно во него се извршува некаков обред од одредена религија, па макар тоа било и еднаш годишно.
Пример: Божествена Литургија во Св. Спас, Скопје
Според нашиот Закон за заштита на културното наследство, нема ставка или објаснување како се третира одреден споменик на културата кој во исто време е и жива црква. И дали во таквиот споменик кој е ”жив”, треба да се наплаќа влезница.
Arwena
Ако е црква, секако дека на верниците не смее да им се наплаќа влез.
Ако е споменик, музеј, таква работа, треба да се наплаќа влез на туристите, домашните и странски посетители.
Ако градбата е и тоа и тоа, тогаш може треба на влез да те праша некој:
-Вие влегувате како верник или како турист, па според тоа да платиш или не.
(А која е твојата идеја? Сигурна сум дека имаш некоја добра!)
хе, хе, хе, хе…
за обред ДВАЈЦА СО ЕДНА карта…така на времето не` пуштаа на стадион кога играше Вардар со Партизан!
Во жива црква не би требало да се наплаќа влезница, но од искуство знам дека во оние цркви и манастири во кои се уште државата имаше некакво влијание, се наплаќаше влезница. Така беше во св.Јован Бигорски, св. Богородица Перивлептос, св. Софија, св. Наум, св. Спас… можеби има и други. Во струмичкиот регион не е така.
@gersanina
Ова е прашање кое досега не е покреното. Според мене ако една градба има вредност (историска, уметничка, архитектонска …) таа треба да се заштити со закон за следните генерации и следствено на тоа треба да се замрзнат сите дејствија и активности (вклучително и обреди) и да се прогласи за споменик на културата.
Црквата Св. Спас е типичен пример за извртени вредности во нашето општетство. Еден објект може да биде или споменик или жива црква со ритуали и метании. Трета опција нема!
Посебна приказна е тоа со влезниците, што кај нас се уште постои деградирање по статус дали си верник или турист, и притоа има секако разлика дали си домашен или странец.
Во секој случај ова е една мошне интересна тема за јавна дебата.
@batadjango
треба да направиш разлика меѓу (об)ред и об(ред). Не е секоја игра во пар – танго.
Во една католичка катедрала во странство на туристите не им беше дозволен влез во моментот кога во неа се одржува миса.
Така би требало да се уреди и кај нас – за наши граѓани треба да биде бесплатно, а да се наплаќа само на странци.
Partik,
дали сакаш да ми кажеш дека ти си повеќе за тоа да ако во некоја црква барем еднаш годишно се држи литургија (што ја прави жива), не треба да се наплаќа влезница? Оти во спротивно, повеќето од спомениците на културата во Македонија кои се цркви ќе треба да бидат бесплатни за домашните и за странските туристи. Инаку, не знам како е решено тоа во Струмица. Никој не говорел на темава до сега колку ми е на мене познато.
Она што ми е на мене интересно е фактот да во Македонија и покрај тоа што некој објект ќе го прогласат за споменик на културата, во него продолжуваат да се одржуваат обреди (пр. венчавки, крштевања, литургија и сл). Дали и колку е тоа валидно, не знам. Еден објект може да биде или верски или споменик. Тука не би трбало да има двојба.
@alexandro
Дали откако ја исчекавте мисата плативте влезница во катедралата? Живо ме интересира, чисто заради компарација да ни ја објасниш процедурата.
За жал не го дочекавме крајот на мисата и го разгледавме само делот каде е беа верниците. Влезот кај нив не беше дозволен.
Искрено не сум паметен кое е нејдобро решение за ова кај нас. Особено кога си во двојна улога – и како верник и како љубител на уметноста.
Поздрав!